हाम्रो परियोजना सामाजिक व्यवसाय रहेको, र जेष्ठ नागरिक केन्द्र, पुस्तकालय, स्राेत केन्द्र, कला-संस्कृति केन्द्रहरु सकेसम्म सामाजिक सेवाको रुपमा न्यून रकम लिएर वा नि:शुल्क संचालन गर्ने र यस केन्द्रका संचालनमा लाग्ने खर्च कृषि र पर्यटनकाे मुनाफाबाट लिने भन्ने लक्ष्य रहेकोले यो हाम्रो अति महत्वपूर्ण उत्पादन हो। पर्यटकीय सेवाको उपभोग र उपयोग मार्फत परियोजनामा तपाईंको पनि सक्रिय योगदान हुने हुनाले पनि यो महत्वपूर्ण छ।
हामीसंग फार्मको शैक्षिक र गैह्र शैक्षिक निर्देशित भ्रमण केहि घन्टाको लागि उपलब्ध हुनेछ। यस्तै स्वां गम्य परियोजनाबाट बारपाक सम्मको र नजिकको क्षेत्रहरुमा साईकल/मोटरसाईकल, जीपबाट भ्रमण गर्ने सेवा रहनेछ। साहसिक वा रेमान्चित पदयात्रा काे विकास, विस्तार गरी यसमा संलग्न हुन चाहनेहरुको लागि भच्चेक, बारपाक, सुलिकाेट, धार्चे डाँडा, लाप्राक लगाएत स्थानहरूमा ३-४ दिनको ट्रेकिङ देखि २-३ हप्तासम्मको लार्के पास, चुम नुब्री क्षेत्र भ्रमण व्यवस्था मनाउने ।
हाम्राे केन्द्रमा पुस्तकालय, सुविधा सम्पन्न प्रविधि सहितकाे स्राेत केन्द्र रहेकाेले साहित्यिक पर्यटनकाे विकास गर्ने लक्ष्य रहेकाे छ । यस्तै जेष्ठ नागरिकमैत्री पूर्वाधारहरू र सुविधा भएकाेले रिटायर्ड पर्यटन संचालन गर्ने उद्देश्य रहेकाे छ ।
हामिले यसमा टेन्टेड क्याम्प, गाेठाले लक्जरी, हन्टर्स क्याविन जस्ता केही नविनतम् र साहसिक बासकाे व्यवस्था गर्नेछाैं । यी उत्पादनहरू पर्यटनका केही नयाँ उपज हुनेछन् ।
स्वां गम्यले, यस क्षेत्रमा पर्यटनकाे विकास गरी समग्र समुदाय स्तरमा न्यायाेचित वितरण गर्ने नमुना प्रस्तुत गर्दछ ।
हामिसंग उपलब्ध पर्यटकीय सेवाहरु तल लिस्ट गरिएको छ।
फार्ममा रहेका उत्पादनहरु, बस्तुहरु, अन्य बिबिध जानकारी लिन दिनको समयमा ३-४ घण्टाको लागि टुर उपलब्ध हुनेछ। यसमा फार्मका बिबिध पक्षहरुबारे जस्तैः बिरुवा, फलफूलबारे, पशु, जनावर बारे शैक्षिक, गैह्र शैक्षिक ज्ञान लिन, र प्रकृतिसंग रमाउन यो उत्तम विकल्प हुनेछ।
सन् २०१५ को विध्वंसकारी भुकम्पको केन्द्रबिन्दु रहेको बारपाक एक सुन्दर-रमणीय स्थान हो,जुन गोरखा सेनामार्फत विश्वयुद्दमा बहादुरी देखाए बापत बेलायत रानीबाट प्रदान हुने भिक्टोरिया क्रस जस्तो पदक पाऊने गजे घलेको घर समेत हो। स्वां गम्य बाट यहां सम्मको मोटरसाईकल, साईकल, वा जिप भ्रमण अत्यन्तै रोमान्चक, र साहसिक हुनेछ ।
स्वां गम्य बाट तपाईंहरु ३-४ दिनको छोटो ट्रेकिङ्गमा जान सक्नुहुनेछ। धार्चे डांडा ३२२० मिटरबाट अन्नपूर्ण हिमश्रिङखला, मानसिरि/मनासलु, गणेश हिमाल, लाङटाङ लगायत अत्यन्तै सुन्दर हिम श्रिङ्खला देख्न सकिन्छ भने बारपाक, लाप्राक, लगाएत गाऊंको भ्रमणबाट गाऊंले जीबन शैली, सुख-दुःख नजिकबाट देख्न र बुझ्न सकिन्छ। हामि बिध्यार्थि, युवा, र अन्य उमेर समुहका जागरुक, ईच्छुकहरुलाई यस क्षेत्रको भ्रमण गर्न प्रोत्साहित गर्दछौं।
लार्के पास वा मनासलु सर्किटको नामले प्रख्यात ट्रेकिङ यसै क्षेत्रमा पर्ने हुनाले, स्वां गम्य बाट जान सकिन्छ। यस्तै रुपिनाला पास गरेर माछिखोला झरि, लार्के पास गर्न जान पनि सकिने हुनाले लामो र साहसिक ट्रेकिङ गर्ने ईच्छा हुनेहरुको लागि यो बिकल्प उत्तम हुनेछ। चुम नुब्रि, मनासलु ट्रेक हाल निकै प्रचलित रुट भएको नाताले यसरि नै पूर्ब योजना बनाई हाम्रो परियोजना स्थलबाट शुरु गर्न सकिन्छ।
फार्मको भ्रमण पस्चात, हाम्रो फार्ममा नै बास बसेर फार्मकै बिबिध उत्पादन खाने सुबिधा पनि हामिसंग हुनेछ। भने हामिसंग अलि सुबिधाजनक, आरामदायी आवासको सुबिधा पनि रहनेछ।
सुविधा सम्पन्न प्रविधिमैत्री स्राेत केन्द्र, पुस्तकालय, शान्त वातावरण, जंगल, फार्म, हिमालय श्रृंखलाकाे सुन्दर दृष्यले भरिपुर्ण यस केन्द्रमा विभिन्न साहित्यिक कार्यक्रमहरू संचालन हुने र साहित्य सिर्जना गर्ने सर्जककाे लागि आवासीय व्यवस्था मार्फत साहित्य पर्यटन संचालन हुनेछ ।
हामिसंग रहेकाे जेष्ठ नागरिक केन्द्र, स्राेत केन्द्र, सीप, शिल्प, कला केन्द्र, बहुउद्देश्यीय फार्म, विभिन्न पर्यटकीय उपजहरूकाे व्यवस्था प्रयाेग गर्दै जेष्ठ नागरिक, र रिटायर्डहरूकाे निम्ति पर्यटकीय सुविधा उपलब्ध गराउने लक्ष रहेकाे छ ।
यसमा हामिले केही साहसिक र नविनतम् बासकाे व्यवस्था गर्नेछाैं । जस्तै गाेठाले लक्जरी, हन्टर्स क्याविन अादी ।
फार्मकाे अर्गानिक खाना, हिमालकाे सुन्दर दृष्य, स्वच्छ हावा, जंगलकाे छेउमा रहेर उर्जासहित अफिसकाे वा विजनेसकाे काम गर्ने स्टेसन बन्नेछ । सवै सुविधा रहेकाे वर्क स्टेसन सहितकाे पर्यटन विकास गरिनेछ ।